Rakontoj de kunikloj por la jaro de kuniklo 2023

                                                        Kuniklo kaj Tigro
                                                                                     Lee Jungkee (Sud-Koreio)

Iam saĝa kuniklo renkontiĝis kun tigro hazarde survoje kaj tuj la tigro emis manĝi ĝin. Tuj rimarkinte la situacion, la kuniklo proponis, ke se la tigro savos ĝian vivon, la kuniklo servos bongustan rizkukon al la tigro. La tigro salivumante konsentis je la propono de la kuniklo. La kuniklo kolektis ŝtonojn kaj komencis baki la ŝtonojn per fajro. Bakante la ŝtonojn, la kuniklo diris al la tigro, ke por manĝi bonguste la ŝtonojn, ĝi portos mielon de sia hejmo. Ne rimarkinte la trompo-foriron de la kuniklo, neeltenante la momenton, la tigro enigis la varman ŝtonon en sian buŝon. Nature, la buŝo de la tigro estis bruligita serioze.

En la sekvonta tago, la tigro reprovis manĝi la kuniklon kun kolero. Tiam la kuniklo proponas ĉifoje tiel, ke ĝi enigos birdojn en la buŝon de la tigro. La tigro sekvante la voston de la kuniklo eniris en la arbaron blinde, nur por gustumi bongustajn birdojn. Laŭ la diraĵo de la kuniklo, la tigro atendadis la eniron de birdoj al sia malfermita buŝo en tiu loko. Dume, la kuniklo bruligis la arbaron kaj ŝajnigis, ke la brulanta sono de la arboj estus kvazaŭ duonoflugema sono de birdoj. Ferminte siajn okulojn, la tigro pacience atendis la momenton enbusiĝo de birdoj, sed la tigro estis apenaŭ brule mortigita.

En la malvarma vintro, ili rerenkontiĝis survoje. Tiam la tigro firmigis siajn dentojn por ne ripeti la saman eraron.

Ĉifoje, la kuniklo enkondukis la tigron al la rivero por manĝi fiŝojn. La kuniklo diris, ke se vi enigos vian voston en la akvon, aŭtomate kaj nature fiŝoj algluiĝos je via vosto. Aŭdinte tion, kun ĝojo, la tigro atendis kaj atendis en la rivero. Pro frosta vintra vetero, la kompatinda tigro mortis enmetinte sian voston en la rivero. Feliĉe la kuniklo savis sian vivon kontraŭ la tigro tra trifoja saĝa trompo.

La rakonto donas la instruon, ke eĉ la malfortulo povas survenki sian danĝeran situacion kaj eĉ la fortulo devas esti ĉiam singardema kaj saĝa por ne esti trompita de aliuloj.

첨부파일 1

Resumo de Jaro de Kuniklo en diversaj kulturoj (2023) (1).ppt 7.65 Mb