La sesjara knabo Jaĉjo estas sola pro divorĉo de siaj gepatroj, tial li apogas sian solecon ĉe prezidento Venderdiko kiu estas la prezidento de ĉiuj infanoj, kiuj ploras ne sciante kial, kies patrinoj havas novan edzon, kies patroj havas novan edzinon, kaj li mem estas forpuŝita, ĉar ili memorigas al la patroj la nedeziratajn patrinojn, aliflanke  al la patrinoj ili memorigas la malbonajn patrojn.

Venderdik-lando estas lando de malgajaj infanoj, kiuj tie trovas tion, kion ili ne trovas hejme. Ĝi estas lando de amo kaj ĝia nomo signifas: Ĉio estas Bona kaj Gaja.

Legante la noveleton, mi povis senti doloron de la knabo, kiu estas forlasita de gepatra amo. Oni diras ke la cikatro de infanaĝa periodo lasas grandan korvundon al homo.