1. Slogano por julio – aŭgusto – septembro 2016
Estas nekredeble kiom da homoj perdas energion detruante la vojojn aŭ aĵojn kiujn ili NE ŝatas, anstataŭ konstrui vojon aŭ fari aĵon kiu jes ja plaĉas al ili.
Nu, estas pli facile rompi vazon aŭ seĝon, ol mem modli vazon aŭ konstrui seĝon. Sed ĉu oni ne pli fieros pri memmodlita vazo aŭ memkonstruita seĝo, ol pri aro da rompitaj pecoj?
Same ne helpas ade kritikaĉi televidan kanalon, retpaĝon aŭ iun klubon. Ĉu ne estas lacige kaj frustrige konstante piedbati tion kion oni ne ŝatas?
Ni prefere uzu nian energion por pozitiva kaj kontentiga agado. Kiu volas esti memorita kiel eterna malkontentulo, kiam oni povas esti pozitiva elemento, eble eĉ heroo?
3. Nova retejo : www.movado-sen-nomo.net
Finfine, Movado sen Nomo denove havas propran retejon: http://www.movado-sen-nomo.net/ .
Vizitu kaj diskonigu ĝin!
4. Nova eldono : Inspiraj rakontoj
Movado sen Nomo eldonas novan, profesie presitan libreton kun 20 inspiraj rakontoj el la tuta mondo. Eblas mendi la libreton per tiu ĉi ligo. Subtenaj membroj ricevos la libreton senpage. (Vidu ĉi-sube.)
5. Subtenaj membrojMembreco de Movado sen Nomo ĉiam estis kaj ĉiam estos senpaga. Tio estas nia principo ekde la tuta komenco : ni volas esti asocio por ĉiuj homoj.
Pro la altaj sendokostoj, ni decidis tamen enkonduki subtenan membrecon. Ĉiu kiu donacas 15 eŭrojn aŭ pli, fariĝas subtena membro. Li / ŝi senpage ricevos la novan libreton “Inspiraj rakontoj”. Vidu la detalojn en nia retejo : http://movado-sen-nomo.net/.
Por eviti erarojn, bv. post transpago sendi al ni mesaĝon kun via aktuala kaj korekta adreso.
Koran dankon!